Nun möcht jhr klugen Griechen
Vnd jhr aus Latien euch ingesambt verkriechen
Es geht euch allen vor die deütsche Nachtigall
Die nun so lieblich singt daß auch jhr süßer schall
Die andern übertrift: Sie sitzet auff den Rosen
Vnd modulirt mit macht; Die prächtigen Frantzosen
Vermeinten gantz vnd gar vnd sagten ohne scheü
Daß keine Zierligkeit in deütscher Sprache sey
Zur edlen Poesie: biß endlich sie gerochen
Opitz der Edlen Ruhm vnd jhr die bahn gebrochen
Durch Göttlichen verstandt: daß sie in kurtzer zeit
Die andern übertraff an Zier vnd Liebligkeit & c.