R Den .xvij. Mirabilia testimonia. Na die wise van Dies est leticie.
WOnderlijc Heer v woerden zijn
Die ghi ons hebt ghesonden
Daer om so wou die siele mijn
Die neerstelijc doergronden
Tverclaren van v woert verlicht
Den cleynen haer verstant het sticht
Mijn mont ic wou ontsluyten
En ic mijn adem heb gehaelt
Na v gheboden seer ghetaelt
Van binnen en van buyten
Weest ghenadich, siet op my Aspice in me et miserere mei secundum iudicium diligentium nomen tuum.
Laet mi v gonst doch winnen
In sulcker voeghen, recht als si
Die uwen naem beminnen.
En nae v woort mijn ganghen leydt Gressus meos dirige secundum eloquium tuum: et non dominetur mei omnis iniustitia.
Dat alle onrechtueerdicheydt
My niet en mach domineren
Verlost mi van dat boos ghetal Redime me a calumnijs hominum: vt custodiam mandata tua
Op dat ic dijn gheboden al
Altijt mach obserueren.
Heer verlicht dijn aensicht soet Faciem tuam illumina super seruum tuum: et doce me iustificationes tuas.
Op uwen knecht vercoren
V gherechticheyden goet
My leert, en brengt te voren.
Die wateruloeden menich fout Exitus aquarum deduxerunt oculi mei: quia non custodierunt legem tuam.
Hebben mijn ooghen seer bedout
Met tranen die verclaerden
Hoe dat si niet al nae Gods woort,
En leefden, soe dat toe behoort
V wet niet en bewaerden.