Ich sah in meinem schlaff ein bild gleich einem
Got
Auff einem reichen thron gantz prächtiglich er-
haben
In dessen dienst vn schutz zugleich auß lust vn noht
Sich die Torrechte leut stehts hauffen weiß begabe.
Ich sah wie dieses bild dem wahren Got zu spot
Empfieng (zwar niemahl sat) gelübd lob opfer-
gaben;
Vnd gab auch wem es wolt das leben vnd de tod
Vnd pflage sich mit raach vnd boßheit zuerlaben.
Vnd ob der him̃el schon offtmahl des bilds vndanck
Zustrafen seine stern versamlete mit wunder;
So war doch des bildes stim noch lauter dan der
dunder:
Biß endlich als sein stoltz war in de höchsten schwack
Da schlug ein schneller plitz das schöne bild her-
vnder
Verkehrend seinen pracht in koht würm vnd ge-
stanck.