Weil nu der lufft gantz vngestim Mit schnee vnd regen sich vermischet Vnd nu der wind mit nichten stum Das erdreich gleichsam saiffend waschet:
So lasset Vns auch Liebe Freind (was sprachen wir auch jmmer reden) Den tisch bedöcken zu der stund Mit flaschen schuncken Käß vnd Fladen.
Bring her die gläser vnd schenck ein Dan er kaum rünnet auß dem loch Darumb wer doppeltes gut will Anschawen riechen schmöcken spiren
Der muß nu einen becher voll Des edlen rebensaffts nicht sparen: So nem ein jeder sein geschütz Vnd eh wir es zugleich hinrichten
Muß er mit mir den reichen schatz Zu loben singend nicht verachten. Dieweil nu dises ein Rhein-wein Oder dem Rheinwein zuvergleichen;
So schenck jhn in den becher ein Jhn mit gold noch mehr zu bereichen: Er ist klar lieblich frisch vnd reich Darumb muß er herumb passieren:
Jhr Herren disen bring Ich euch Daß keiner mög die zeit verlieren. Ist jener roht wein ein Frantzoß So thut er wol zu vns zu kommen:
Er lächlet wie ein rohte Roß Vnd wirt von Vns gern angenommen: Ich hör nicht mehr des winds getöß Sydher wir mit dem wein parlieren
Beuvons. Messieurs, a vos santez, So lasset vns all garaussieren. Ho! wein her den vns das Welschland Ohn des Bapsts sig vnd segen sendet
Ein schalen voll in meiner hand Davon wirt bald wol angewendet: Die farb ist angenehm Ich sih Vnd sein geruch thut excellieren:
Signori, facciam brindisi, Er kan nicht dan euch aggradieren. Ein ander Welschland weiß ich noch Da man auch zechend frölich lebet
Mit Brot vnd Käß vnd ohn den Koch (schier Schweitzer gleich) nach ehren strebet: Raich her das volle Kräußlein da Es gilt den Herren vnd den Frawen:
M'y fato chwi (Ho!) miy fa, So das ist artlich Ist Engelland schon ohn Weinwachs Hat man doch gute wein darinnen
Vnd mancher drincket als ein Sachs Wan er die schlacht gern wolt gewinnen: Drinck mir ein glaß des besten zu Mit welchem die Jusuln prachtieren:
Then lett us drink, J'le drink to you, Kan ein wein disen surpassieren? Die Nider-Teutsche frische Fisch Die gern lang hinder dem tisch sitzen
Lieben den wein der starck vnd frisch Vnd zechen gern biß daß sie schwitzen: So gib auch jhretwegen nu Den grossen Kelch damit zu zehren:
Myn Heeren, ho, ick brengh het u, So. dises haisset recht laveeren. Seit jhr den Spaniern hie feind So langsamb jhrer zugedencken?
Seind sie doch aller Länder freind Wan sie den wein schon nicht verschencken: Gib jhres weins das gläßlein da Damit Ich besser mög hablieren
A su salud, O, alla va, Wer will mag emborraciarsieren. In Jrland war ich auch einmahl Vnd sah dort manche ding verwirren
Doch wissend wol die rechte wahl Ließ ich mich billich nicht verjrren: Schenck ein ein wenig In Jrland vberall geliebet:
Sho fed tuorim; den go sugagh, So dises haisset wol geübet. Hör ich nicht Fratzen den Dickkopff Der witzloß jederman will lehren?
Vnd welcher ein recht grober Knopff Ohn sich selbs niemand sunst will ehren? Es gilt hie sechs in einem suff Herr Fratz jhr müsset das auß sauffen
Es gilt Fratz Curly Murly Buff Biß alle fallen vbern hauffen. Ich glaub jhr liebe Daß jhr das Latein gar verschworen
Vnd auch das Griechisch alß ich sih Ist nu verachtet vnd verloren: Doch weil ein Christliches Räuschlein Nicht kan (
Bring ich euch Vnd wolt euch jetzt nicht gern turbieren. Ho! Herr Fratz was bedeuten doch Schmorotzer Blacken vnd Bachanten
Die so verhasset von dem Koch Als Schulfüchs Penalen Pedanten? Warumb darff ohn ein Narrenkapp Ein Narr halb welsch vn halb Teutsch glotzen?
Warumb doch will ein jeder lapp Für gut Teutsch Ist es nicht eines blöden hirns Vnd eines Hasenkopfs merck-zaichen
Der wol wehrt eines langen horns Vnd gar nicht wehrt mit Vns zu zechen? Mit Vns die wir dem guten wein Allein zu ehren welsch gegecket
Vnd doch mit grösserm fleiß vnd wohn In der welt grosses buch gegucket. Glick zu du ohn ein G. gesel Hat mich der
Er glaub mir daß dem Ich auffwarten in wenig stunden: Dan So hat er sehr gevoyagieret.
Der Teufel hol Euch (ohn ein N. Herr Hanß) weil jhr vns all vexieret. Wer Teutsch ist der red auch gut Teutsch Wie der Welsch will gut welsch parlieren;
Zu fuß geh wer ohn pferd vnd gutsch Vnd wer ein Narr kan nicht vil lehren: So sprechet nu ein Vrthail auß (vnd mäniglich mag es wol hören)
Gleich ist ein halb-Welsch-Teutscher Haß Den angestrichnen krancken Huren. Vnd gleich wie der ein schwein ganß kalb Der gut vnd bösen wein vermischet;
So dem gehört ein Narren-kolb Der Teutsch vnd Welsch zusamen waschet: Sein hirn vnd red seind gelb weiß schwartz Grün roht vnd blaw ein schneider küssin
Ein alter schurtz ein lamer schertz Vnd gantz vnwürdig mehrer bossen. Kom (schenckend das glaß wider ein) Vns des lusts wider zu begaben:
Daß drinckend singend redend rein Wir Vns vnd andre auch erlaben: Doch drinck wer will: Ich hab zuvil Wer will mag drincken dantzen springen
Frey bleibet jedem alles spihl Vnd wer will mag nu mit mir singen: Frisch auff frisch auff seit wol zu muht Herumb das gläßlein bald muß fahren:
Böß ist das wetter der wein gut Vnd jhrer keines nu zu spahren. Der wein sparet zwar die witz Mit nichten
Weil er mit zu starcker hitz Drücknet vnser dichten. Ich waiß zwar noch wol wa Ich bin Darff aber wol für etlich schwören
Daß sie sehr gern jhr hertz vnd sin All tag verbausen vnd verzöhren: Bleibet jhr verstand ohn wein Dahinden
Könden sie als stöck vnd stein Drinckend jhn nicht finden. Sih da wie weiß der Sich vnder Vns allhie erzaiget
Er beissz mir doch auff dise nussz Sprach Fratz mit drincken nicht geschwaiget: Vnd Selbs reymen
Besser dan jhr Ja dan du Vnd das loch verleymen. Ich hab die länder diser welt Schon vil Jahr her gedurch-marschieret
Vnd hab auch Dan all jhr welsche verspendieret; Kan ich aber nicht vil welsch Parlieren
So kan ich doch (gar nicht falsch) Meinen becher löhren. Jhr Herren Ich brauch keine List Ich drinck vnd hab nichts zu bedencken:
Zu drincken ist allein mein lust Es gilt vnd solt mir keiner dancken: Will dan ewer keiner mir Antworten
Sollet jhr auch biß ich mehr Euch hofiere warten. Wie offt hab ich mit einem wort Verjaget manche dolle Katzen?
Wie offt hab ich mit meinem schwert Zerhacket manchen tollen Kautzen? Dise faust hat so vil blut Vergossen
Daß ohn blut kein stein baum blat Keine wäld feld gassen. So bin ich auch offt auff dem Meer Schier in der Sonnen selbs ersoffen:
Daher ich auch schwartz als ein Mohr Hat mit der Venus offt zuschaffen: Vnd durch manchen haissen schmatz Verliebet
Hat der Proserpina schmotz Offt mein hertz erlabet. Was hat sie vnder jhrem Böltz Daß sie sich ließ so gern auffschürtzen?
Ich waiß nicht was für Plutons boltz Der pflag gar Teufelisch zu schertzen. Ha. Er ist ein arger Fuchs Ohn zweifel
Er ist alles vbels Vnd ein rechter Teufel. Er hat zway hörner als ein Ochs Vnd seine seuftzen seind fewrflammen;
Dem Dunder gleich ist seine Weil er von allen strahlen stammen: Seine augen wan es Klar brennen:
Ist es tag so ist er Fünsternuß zu nennen. Die Dabey mein hertz an sie gedencket
Dieweil zuvor der hipsche Dieselbig jhr auß lieb geschencket: Wie Er hab ich mit jhr füchs Gejaget
War es regen oder Hab ich es gewaget. Gleich wie ein doppelt klare Die anblick jhrer augen leuchten:
Vor jhrem Man ein Türck vnd Muß zittern stincken vnd bald beüchten; Jhre Magd die wie ein Dachs Sich bucket
War auch vrsach daß sich Zwischen Vns offt drucket. Wer ist begihrig jhres specks Dem will ich bald ein bißlein schneiden;
Sehr groß ist jhrer grillen Die könt ich lieber dan Euch leyden: Dan ich mag nicht ewers Dr … Vergissen:
Drinck da drinck das ist das Welcher nicht will essen. Für meine witz ist hie kein Für mein gesicht kein liecht zu sehen;
Für meine hand kein Kelch kein Für meine füß kein stand zu stehen; Ho! wer hat mich bey dem haar Gerauffet:
Mord raub raub mord O gefahr Alles rund vmblauffet. Ach wie kam ich in dieses schiff? Es grauset mir; ich kan nicht schwimmen:
Hilff hilff ein sail stoß oder griff; Ach weh! nu hab ich auch das grimmen: Alles layder! ist vmbsunst Wir sincken.
Was? Ja wol in diser brunst Brennen wir vnd stincken. Ho! helffet raichet das geschirr; Es ist vmbsunst es ist geschehen.
Ich bin gantz nassz; Ich bin gantz dirr Stum lahm kan ich nichts hören sehen: Ach die hagelstein plitz strahl Vnd dunder
Kammend auff mich auff ein mahl Schlagen mich hinunder. Wa ist mein fuß wa meine stirn Oh mein kopff waltzet auff der erden
Halt ich verlier sunst all mein hirn Was wird doch endlich auß mir werden? Ist kein hilff in diser noht Zu haben?
Got erbarm es. Ich bin tod Vnd auch schon begraben. Der volle Narr der wüste Fratz So wol besoffen als geschossen
Hat als ein stinckend nasser Ratz Sein abenthewer nu beschlossen: Vnd zu gedechtnus seiner that Soll Er hie seine Grabschrifft sehen
Wan von dem Rausch der grob Vnflat Soll wider-wachend aufferstehen: Fratz liget vnder diser banck An leib vnd seel sehr wüst besudlet
Der mancherlay gedranck gestanck Vnd sprach vermischet vnd verhudlet. Ach Leser wünsch daß jhm dir mir Got das gedeyhen wolle geben
Daß vnser jeder nach gebihr Mög besser reden drincken leben!
Cookies on Poetry Cove