Dvrch dise wort war bald entgründet
Des Rheins angst so allein erdicht
Das Er mit klarem angesicht
Sich bald bey der gesellschafft findet
In einem Tyrischen talar
Von gold vnd kleinoten vmbhangen
Seine Landsfürstin zuempfangen
Mit seiner grün-blawlechtenschar
Darauß etliche sich zufrayen
Singen vnd dantzen einen rayen;
Andre mit frischen blümelein
Myrten gilgen vnd röselein
Volversetzte sträuß vnd kräntz binden
Vnd brennen zu mahl von begihr
Sich bey disem einzug zufinden
Vnd zu frolocken nach gebihr.