Er stost vnwissend was geschehen
Sein mosechtes haubt auß dem fluß
Vnd weil er forcht einen verdruß
Will Er was solches sey bald sehen:
Seine horn vnd gebüntzte haar
Vil hochspringende bäch außgiessen
Vor seiner nasen vnd bart fliessen
Vil wasserzapffen lang vnd klar:
Er sihet nu zu seinen seitten
Ein hör gleichsam berait zustreitten:
Er höret der Trometen klang
Der kuglen fliegendes gesang
Vnd verwundert sich ab dem wunder
Wie ein eisiner hagel kompt
Mit so starcker kraft macht vnd dunder
Warumb widrumb die Trum nu brompt.