Damit steif bleib seiner Tugete bund
Der seinen leib vnd sehl erquicket
So ehret Er mit der that vnd dem
mund
Die welche Raht vnd That beglücket.
Die Nüchterkeit (die bey Hof in dem bann
Die schier kein Fürst kein Reicher kein
Hofman
Mehr will weder sehen noch hören
Vnd darumb in Jhm mehr zuehren)
Die macht das sein koch Früh-auf-sein
Seine mahlzeit nach gefallen beraitet;
Vnd das der Reichtumb falscher schein
(der Gailheit nest) Jhr banier nicht auß-
Ja Sie verhindert den Wollust
Das Er niemal die Tugent vnderdrucket
Vnd sie macht das die Tugent schmucket
Sein volck mit lieb vnd mit lob seine brust.