Gleich wie ein armer mensch auß jrrdischem ver-
stand
Vermeinet horchend zu des Aberglaubens lehren
Ein schön-gemahltes bild als seines gaists hay-
land
Mit bitten opfern lob vnd anderm dienst zu ehren:
Also vn mehr fehl Ich (witzloß) durch mein begehren
Wan ich für euch erhöb mein hertz gesicht vn had
Wan ich mich darff ab euch beklagen vnnd be-
schwehren
Da schuldig doch allein mein aigner vnverstand.
Ja. Göttin deren gnad mich könt allein erlaben
Euch klag ich an vmbsunst vmbsunst hoff ich den
lust
Daß ewer hertz mit lieb werd meine lieb begaben.
Dan solt ich als ich sah ewrer schnee-weissen brust
Bezauberende bühl nicht (klüger) gedacht haben
Daß vnder solchem schnee ein hertz von eyß sein
must?