Ich brenn auß lieb vnd lust doch kan der brunst
verdruß
Meines haupts feuchtigkeit vnd thränen nicht
verzöhren:
Ich wein auß lieb vnd layd doch kan mein zeher-
fluß
Meiner brust grossen brunst vnd flammen gar
nicht wöhren.
Ja vilmehr pfleget stehts meiner brunst vberfluß
Den quellen meines layds die nahrũg zu beschörẽ:
Ja vilmehr pfleget stehts meines layds zeherguß
Die flam̃en meiner Lieb zu störcken vn zu nöhren.
In dem mein weinen nu in dem nu meine brunst
Einander jhre hilff zu wechslen nicht verneinen
So leyd ich dise lieb vnd lieb das layd vmbsunst.
Dan findend in dem fewr das ewiglich muß scheine
Vnd in dem stehten fluß der zehern keine gunst
So muß (O schmertz!) mein hertz stehts brennen
vnd stehts weinen.