Es fiel ein flieg in ein fleischtopf,
Daß sie ward naß an bauch und kopf.
Da sie lang in der brü geschwummen,
Sah, daß dem tod nit mocht entkommen,
Sie sprach: „Ich hab nun geßen sat,
Getrunken und mich wol gebadt,
So stirb ich hie in disem schlauch
Mit freuden und mit vollem bauch.“
Wer ein unglück nit meiden kan,
Der gee nur frisch mit freuden dran:
Das leit, so man mit freud annimt,
Dest leichter in dasselb ankümt.