Des portes du matin l'Amante de Cephale,
Ses roses espandoit dans le milieu des airs,
Et jettoit sur les Cieux nouvellement ouvers,
Ces traits d'or et d'azur, qu'en naissant elle estale.
Quand la Nymphe divine, à mon repos fatale,
Apparut, et brilla de tant d'attraits divers,
Qu'il sembloit qu'elle seule esclairoit l'Univers,
Et remplissoit de feux la rive Orientale.
Le Soleil se hastant pour la gloire des Cieux,
Vint opposer sa flame à l'éclat de ses yeux,
Et prit tous les rayons dont l'Olympe se dore.
L'onde, la terre, et l'air s'allumoient à l'entour :
Mais aupres de Philis on le prit pour l'Aurore,
Et l'on creut que Philis estoit l'Astre du jour.