Eg lydde stilt
aat toneljod,
eg vilde leita mig ein song,
som tolka alt
eg ei forstod,
min største draum eingong.
I hugen min
ein song det brann
um sorg og smil paa jord;
eg lydde stilt,
men aldri fann
eg atter mine ord!
Min bundne hug
du løysa maa
i sorgfull toneflaum, –
eg er din streng,
du leike paa
min song, min beste draum.
Den song, som læt
i hug og sinn,
paa jord eg aldri fann;
ein fager ein –
og den var min,
so tidt i hug meg brann.