Eg stengjer mine dørar
og løyner meg av garde,
so helsar eg den væne bygd,
maa ut i verdi fare.
Langt burt fraa fjell og finne,
langt burt fraa heimleg tuft;
eg veit eg høyrer heime
i svart og dauvtung luft,
Der sol ei skin um dagen
og stjernor ei um nott,
der alle sjæler kvider seg
i draum og daudesott.
Daa Adam hadde synda,
og det paa syndedag vart kveld,
daa vart han av ein engel
jagd ut med sverd av eld.
Eg bidar ei paa sverde,
eg vil kje jagast som ein hund,
eg stengjer sjølv mi hage-dør
og gjeng med smil um munn.
Du heimsens harde herre,
du ser eg viljug gjeng min veg;
kva meire kan du krevja,
kvi vil du elta meg?
Du sende meg ein straale
ifraa di høge borg;
var det daa for aa drepa ned
mi stolte sjæl i sorg?