Vimranda gjeng dei i villa
menneskje-søner i verdi;
heile si kraft skal dei spilla,
ørville endande ferdi;
fara i flokk og i fylgje
inn imot avgrunnens dike,
lettlynd', til avgrunnens bylgje
dreger dei ned i sitt rike.
Saag eg som born dei leika
livande lystug i kvelden;
saag eg dei sidan so veike
ynka seg vesalt i elden,
skulde eg gladeleg syngja
song yver yrande sveimen,
live daa sjølv vilde yngja
dag yver daudinge-heimen.
Motlause, magtlause sjæler,
ræddhuga kvende og menner,
alle som livsstriden fæler,
tek me so mildt under hender:
Gud, lat i elden dei fara!
Lat ikkje verdi vaar tyngjast
av slik ei elege varal
Daa fyrst kan livssongen syngjast.
Hardt maa du hjarta ditt stæla,
att maa du øyrorne lata!
Aldri for noko du fæla,
all ting og alle du hata!
Liv for deg sjølv her paa ferdi,
live paa jord er ditt siste.
Gud elder Satan eig verdi,
kven av dei aldri du visste.