Eg byggjer mi borg,
og Gladheim eg vil henne kalla.
Ljos skal ho stiga mot himlen blaa,
gyllde gavlar eg set derpaa.
Eg byggjer mi borg,
og Gladheim eg vil henne kalla.
Naar soli stig med sin straalering,
toka skal glima so vidt umkring.
Eg byggjer mi borg,
og Gladheim eg vil henne kalla.
Eg reiser eit taarn med hane og fløi,
so bur eg der inne aat ljose møy.
Eg byggjer mi borg,
og Gladheim eg vil henne kalla.
So skapar eg lundar, og gjerder med stein
heile min gard mot udyr og mein.
So liver eg sæl paa mi høge borg.
Kva skal eg med Gud, der bid ingi sorg,
naar eg byggjer mi borg,
og vil henne Gladheim kalla?