De sutrar i sorg kvar evige stund;
og synder dei tregar;
dei grundar paa allheimens meining og grunn,
og faafengt dei himmelen fregar;
for all ting er faafengd paa jordi.
Dei strævar for æra, dei sveitar for gull,
dei lukka vil finna;
at verdi er vond, og live er tull,
den sanning dei vil ikkje vinna;
for all ting er faafengd paa jordi!
Og andre, dei synger om himmel og sol,
med gleda i munnen;
dei skaalar med live fraa pol og til pol
for heimen som løgjen er funnen;
men all ting er faafengd paa jordi!
Dei gløder av fysna i høgaste rom,
med rosor seg kransar;
dei lær i sin rus og plukkar kvar blom
imedan til dauden dei dansar;
for all ting er faafengd paa jordi!
Eg minnest ein mann, i lunden fekk sjaa
so fager ei lilje;
og henne han stirde so lengtande paa,
til bunden han vart i sin vilje;
og all ting er faafengd paa jordi!
Ho lokka; han fylgde den vandaste veg,
og aldri han tvilte;
so seig han til jord, daa saag han for seg,
at kvende var dauden som smilte;
for all ting er faafengd paa jordi!
Ja, sorgi er slik, at ho øyder din dag,
naar tungsinn vert herre;
men fylgjer du gleda, ja, daa held du lag
med dauden, og det, det er verre!
For all ting er faafengd paa jordi!