Der trøytna av so mang ei kraft
som vonfullt stemnde fram;
og øydd vart livsens triske saft
til vantakk og til skamm.
So mang ei bringa fraus seg kald,
i hang all tra vart lagd
paa døsigt folk i jotunvald
som fôr med fridomsbragd.
Men av dei faa, som trutt heldt ut
i mødesame aar,
eg veit ein eldfull sunnfjordsgut, –
han vona visst ein vaar.
Han lo aat jotunsongen, han,
og trassa uleskrik,
og no, no fram me syna kan
ein bokheim norsk og – rik.
Du kom so frisk, so ungdomsvarm –
med tru so sterk og stor
og heitt det loga i din barm
for «maalet hennar mor».
Dau hugheilt gav ditt unge liv
i stræv so hardt og tungt,
og til du laag paa valen stiv,
ditt sinn var lika ungt.
So lenge slike gutar stig
fraa norske bygder ut,
me gjev ei npp, um skodda sig
ein uversdag yv' nut.
For enno er her livsenstru,
og enno ungdomskraft
som stemner fram vil aldri snu,
som stend for Norig vakt!