Der kjem ein dag,
daa desse bleike kinn,
daa desse arbeidsslitne svoltne
krever retten sin.
Der kjem ein dag
daa trælebandi raknar,
daa kravet etter rett
for aalvor vaknar!
Der kjem ein dag,
daa træleflokken arm
kjem veltande som hav
i skumkvit harm!
Dei stengde portar
skjelv for neveslagi,
og domen lyser tung
fraa andlitsdragi!
Kom lat oss byta um
slik domedag
til kjærleiksfest
i største systkinlag!
Gjev broderhand
og son dei gamle dagar,
fyrr Aasgardsreii
gjenom natti jagar!