Du drøymde um “grøne skogar”,
ein blomstervang for din fot,
i augo skein livsens logar,
dei brann i ditt ungs blod.
Langt fram yver ljose vidder
gjeng draumen i ungdoms aar,
vaar framtid i straalegidder
ligg smilande som ein vaar.
Du siglad' vel og dei leider,
dei sund og dei fjordar blaa
mot landet, der rosor breider
seg yver dei klungrar smaa.
Du bygde vel og dei salor
med blomar i kvar ein karm,
der hugen si smerta svalor,
og kjærleiken skiner varm.
Det fagraste livet eiger,
er draumen i ungdoms aar,
langt fram yver høge heider,
som eventyrslott det blaar.
No hev me so væn ein sumar,
alt andar i leik og liv,
fraa kvar liton knupp og kumar
ein vonande livsdraum sviv.
Men innmed den kvite planke,
som merker vor livsferd av,
stend skogarne grøne, ranke
og susar umkring di grav.
Du drøymde um “grøne skogar”,
kann henda ditt lukkeland
umstraalat av solskinslogar
du hist attum gravi fann . . .