Aa, vidste du, alt eg tenkte
den gongjen eg saag deg sist,
du havde mi tyngste kvida
og fagraste tanke vist!
Aa, vidste du, kor eg ynskjad
kor tiggjande mjukt eg bad,
at eingong meg kunde timast
aa gjera deg sæl og glad!
Aa, vidste du alt, eg tenkjer,
naar eismal eg sitter her,
kor graatande vænt eg ynskjar,
at du skulde vera nær!
Aa, vidste du, kor eg lengter
aa gjera deg vegen blid,
og syngja for deg og stella
og elska deg all mi tid!
Aa, vidste du, kor eg harmest,
kor tyngjande saart det er,
at alt det eg fagrest drøymde,
eg ingen gong liva fær!
Aa, vidste du, kor eg syrgjer,
naar heimlaus eg gjeng og driv
og veit, at me kanskje aldri
fær møtast i detta liv!