X.Ad Illustrissimum Generosissimumque Heroem Fredericum-Henricum, Nassovium, Principem Auriacum, Exercitus Confoed. Provinc. Belg. terrâ marique adversus furores & tyrranidem Hispanorum Praefectum, & Imperatorem, Vesaliae Liberatorem, Silvaeque Ducis Victorem, & Libertatis Belgicae Vindicem, ac Promotorem acerrimum.
PRinceps Heroum stirps maxima Nassoviorum!
Macte Heros! cedunt Styxque, Acheronque tibi.
Boscoducum occubuit, Romae Primordiapraeludia lapsus,
Vix similis Satanae nidus in orbe datur.
Redditaque unitis Vesalia libera Belgis.
Det Deus ut reliquos restituas populos!
Perge Heros falsos Papismi exscindere Divos:
Hinc coeli merces, hinc tibi nomen erit.