XII.Allusio ad Nomen Illustrissimi Principis Frederici-Henrici. Ex dictâ Triumphali Tuba itidem mutuata, pag. 42.
PRaesta te talem Princeps qualem exhibet omen,
Si duplicis sensum nominis excuties.
Da pacem optatam nostris Frederice diebus:
Sic Papam è solio deijce, & Hesperium.
Et Patriae fines Henrice extende trophaeis.
Sic Henricus eris! sic Fredericus eris!
Auguror, & voveo hoc. O quae primordia voti!
Grolla tibi tibi nuper, nunc tibi Silva cadit.
Reddita quin tantis Vesalia jungitur ausis.
O urbs auspicijs parta beata tuis!
Mox tibi Roma adat. Felicibus utere fatis,
Et macte ô Princeps! Annue summe Deus!