I.
IN Silvam-Ducis, munitissimum Brabantiae oppidum, Dei Opt. Max. auspicijs, à Praepotentissimorum D. D. Ord. Gen. Foed. Provinci. Liberi Belgij validissimo Exercitu, ductu Illustrissimi Pr. Auriaci Frederici-Henrici Nassovij, obsessam, & debellatam.
CInxerat obsidio Auriacus Silvae-Ducis urbem,
Victaque submissas mox dedit illa manus.
Vrbs invicta prius victricibus occidit armis,
Et Batavis virgo nupsit, & Auriaco,
Romanumque jugum pariterque excussit Iberum:
Victaque sic victrix, redditaque ipsa sibi est.