1c

Io sto forte più che muro e non temo le toi imprese, e che tu si descortise, dimme, et io che me nde curo?

E che tu non te ricordi l'amicizia nostra che era, e che tu tire dui corde, fai dui pizzi per lummera,

e che sia la tua manera tal ch'io primo no la ntise, e che tu si descortise, dimme, et io che me nde curo?

E che tu ti fai buzzone e non sai per qual balestra, e che tu senza accasione tire a destra et a senestra,

se la tua lingua fo presta contra a me che no te ofise, e che tu si descortise, dimme, et io che me nde curo?

Non è sulo gentilomo quillo che nasce gentile, non le basta aver lo nomo si li fatte soi so' vile;

tu te mitte allo sottile per provar li mei prudise, e che tu si descortise, dimme, et io che me nde curo?

Poi che tu ài incomenzato, siate amica la pacienzia e a me tienge per scusato; seguendo la tua sentenzia,

sopplerà la tua scienzia al grosso ingegnio calabrese, e che tu si descortise, dimme, et io che me nde curo?

Io derrò cum poco mutte de li pazze lor raiune, judicando pazze a tutte et a·llor per Salamone;

o tu che de me te adune e curre a rètene stise, e che tu si descortise, dimme, et io che me nde curo?

Le catene che tu n' dai, sacelle bene guardare per quando canuscerai la pazzia che te fa arrare;

averai da te legare per non fare nove spese, e che tu si descortise, dimme, et io che me nde curo?

Ben po' fare continenzia e tenerte per contente che se tu fusse in Balenzia; jà for'è Coli innorante,

or non dicarrò più nente venga agusto che èi bon mese, e che tu si descortise, dimme et io che me nde curo?

Con vertate poi jurare se io so' stallone o pollitro, ben lo poi testificare per gusto, tatto e audito,

ma cui ha gamba de vitro lassa star l'aspre paise, e che tu si descortise, dimme, et io che me nde curo?

Bon cavallo non se spagna né nde lopu né de vulpe, manco a te né a la compagna temerrò, seben me culpe:

le mei osse e le mei pulpe so' secure in multe guise, e che tu si descortise, dimme, et io che me nde curo?

La povertate mia, voi che te dica?, bene me incresce ca l'aio a passare, ma che fusse altretanto la fatica! Che io me despero non me consigliare,

se tu si ricco, Dio te benidica: se più 'de avisse, te porria iuvare, ma cui primo a·sse stisso non castica, riprendere non deve de parlare,

che unde si tu, nu papare e na pica, là èi lo mercato la carnelevare.