6. Cleobolus van Rhodis.
Soo veel te meerder als ghy zijt,
Soo veel cleynder houdt u altijdt,
Een gheweldigh en gheleert man,
Staet ootmoet boven maten an,
Maer wie hem homoedigh vertoont,
Die wordt bespot ende behoont.
Ander vergeeft goetwilligh past,
Set u selfs liever in meer last,
Laet ghy die sond in haer ghewalt,
Soo schades sy de sonde valt,
Tijtelijck goet erftmen met vliet,
Maer tucht, en deught comt alsoo niet.
Voor vrients, vyants schalckheyt,
Hoedet u wel, 't wordt u gheseyt,
Hoort vele, maer weynigh antwoort,
Ghy wordt bevrijt, door veel discoort,
Het hooghste werck der deughden zy
Laster te vlieden t'allen ty.
Wellust volghen met sin en moet,
Brenght quaet en doet, nimmermeer goet,
Wie sijn sinlijckheyt dwinghen can,
Die is met lof een weerdigh man,
Gheen rijckdom groot, op aerden weer,
Als gheschicktheydt, kunst, goet ghebeer.
Gheen gruwel is soo hoogh en groot,
Als een man die wordt trouw'loos snoot,
Eens moet ick hier vertellen noch,
Houdt maet want dat is loflijck toch,
Leeft ghy in vreed, in daer in soen,
'Tis noegh gheseyt, wie't slechts wil doen.