Na de wijse: Leefter wel yemandt soo blij[d]e. O Wijn ed'le Wijn met namen, Niet soo ghenoechelijck als ghy, Men cant sommeren noch ramen 'Tprofijt dat daer kom van dy, Godt ende Mensch te vermaken, het gemoet
Wordt verlusticht door u smaken In onspoet. Maer lacy! Ter oneeren, Van u wie cant sommeren, Wat claghelijck ellendt Die met u bancquetteren En lieffelijck plaseren Dat het noch neemt in't endt, 'Tis noyt op't diepst bekent, Godts naem die wordt gheschent, Iae 'smenschen hert en sin, Sal worden afghewent, Van vreucht, soo ick bevin. Maer u met maten ghedroncken, Verheught 'smenschen lijf en siel, Waer dat ghy niet wordt gheschonken, Was noyt volmaeckte prieel, Wat is doch des menschen leven // sonder u? Tot vrolijckheyt sijt ghy geven // blijckt wel nu. Maer alsmen u te vele, Drincken met wijder kele, Brenght ghy 'sherten verdriet, U erffenis en deelen,
Is poghen, clammen, schelen, Wonden, stramen, blijckt yet, Daerom Salomon hiet Of sy in't glas root siet, Acht niet haer schoone schijn, Als een slangh sy u schiet 'Tis adere fenijn. Tot des menschen gesontheden Is sy een seer goede exs, Tverfraeyt al de menschen leden Waermen gebruyckt weynich sexs: Timotheus t'sijnen daghe // tot een stut Most Wijn bruycken voor de maghe // 'slevens nut. Dan wilt het vry ghedencken 'Tsal hinderen en krencken, Waer sy tot dronckenheydt, Malcanderen inschencken, Haer vriendelijck toewencken Is met ellendt becleyt. Waer is doch 'sherten leyt? Dan die met u vermeyt: Vergif, bitter als gal, Veel quaets men van haer seyt,
Wie cant verconden al? Goet, soet, lustelijck en aerdich By Libanus lief en weert, Rijst u eerlijckheyt eerwaerdich, Lieffelijck na de geest vermeert, Christus beelt sijn bloet vergieten // of by haer Tot ghedachtenis ghenieten // 'thoogtste waer. Maer haer voort ware wesen Te drincken machmen vreesen: Want eenen fellen doot, Is dick uyt haer gheresen, Soo wy veelvudich lesen, Wie ist die oyt ontvloot Torment of sware noot, Die haer te veel inschoot, Ontfanght haer niet te grof Al schijnt sy in't glas root, Bid ick met oorelof.
Na beter.
Cookies on Poetry Cove