Na de selve wijse: Ofte, Alst begint.
GHy die Christum hebt aenghedaen,
Den Doop op't gheloof hebt ontfaen,
Om nae die wille des Heeren,
Tot den eynde toe voort te gaen,
Oprecht in Christi leeren,
'Tsijnder eeren.
Weest vruchtbaerlijcke rancken jent,
Christum den Wijnstock ingeent,
Wilt vruchten des gheests draghen,
Van liefde, vreughde, vrede tent,
Na Godes welbehaghen,
Al u daghen.
Sijt stantvastigh sonder afval,
Wie verwint hy sal't besitten al,
Als Christelijcke leden,
Houdt aen Christum, en sijn schaep-stal,
Sijt Godt bevolen heden,
Gaet in vreden.
Na beter.