Na de wijse: O slaep, o soete slaep. Ofte: Hoogheydts minnaer. NIet nieus gheschiet onder de sonne, Het is al 't oud' en 't selve donne, 'Tis nu of al gheweest, Op eenen leest.
Schoeyt 'swerelts ghewoel Ende aertsche gheswoel Schoeyt 's werelts ghewoel, en dinghen, Denckt niet my comt wat nieus bespringhen. Niets niet blijft hier in duerigh wesen, Wilt daer op die boecken door-lesen, Neemt vry die werelt voor, En looptse door Siet rondtomme stijf, Na al haar bedrijf, Siet rondtomme stijf, hun drijven, 'Tis de werelt 'tsal de werelt blijven. Sy is ront, 'tradt van avontueren Nu vreughde veel ende dan trueren, Heden lief, mooy, en soet, Morghen onmoedt, Nu heel vette sop, Dan gantsch magher drop, Nu heel vette sop, veel boven, Maer metter haest ist hoentjen cloven. Heden is d'een op 't radt gheseten, Morghen wordt hy gantsch onder smeten, Of die in't laghe leyt, Wordt weer bereyt, Om in cort termijn,
Veel boven te zijn, Om in cort termijn, van't lijden Comen in ruste en verblijen. Siet vry om al des werelts saken, Nu sal d'een dit, d'ander dat smaken, Twas als is, 'tis alst was Selde te pas, Het is alles oudt, Watmen hier aenschoudt, Het is alles oudt gheen ander, Nu ist Cyrus, dan Alexander. Dus sien wy maer in alle dinghen Slechts eenige verwisselinghen, Nu ist hier, 't ander jaer Ist by een aer, Blijft niet alleen fuer, Yemant sijnen deur, Blijft niet al te suer, alleene, By een, maer 'twandelt in't gemene. Nu is d'een in verdriet en plaghen, Het zy ghestadigh of by vlaghen, Dan heeft d'ander 't een deel Ofte gheheel, Nu ist alles goet, Dan slechts teghenspoet,
Nu ist alles goet, met vreughde, Dan met verdriet, en ongheneughde. Soo langh die mensch op d'aerd' sal sweven Moet hy in hoop en vreese leven, Want gheen dingh op die aerdt Bijft in een waerdt, Is u wel of wee, Dencktet wijslijck nee, Is u wel of wee, 'tsal dwijnen, Toecomende sal eeuwigh schijnen. Daerom wilt gheen sekerheydt soecken, In aertsche dinghen ofte hoecken, Maer met 't Hemelsch alleen Stelt u te vreen, Soeckt gheen Paradijs, Sijt ghy te recht wijs, Soeckt gheen Paradijs op aerden, Maer houdt 'tHemels alleen in waerden. Na beter.
Cookies on Poetry Cove