Na de wijse: Ick ginck op eenen morghen. LIeve jonghe ghesellen En maeghden onbelaen, Wilt ghy u ter echt stellen,
Soo weest eerst wel beraen: 'tHouw'lijck schijnt soet om aen te vaen, Maer op u saeck, wel let, en past, 'tEynd' moet draghen die last. Bidt Godt al met begeeren Dat hy u niet verlaet, Maer dat hy u regeren Nae sijn woordt, wil, en raet, Al in een reyn, maeghd'lijcke staet, Of dat hy u een ega geeft, Waer mee ghy salichst leeft. Laet God sijn u beleyder, En niet u ooghen lust, Weest een lijdtsaem verbeyder, Stelt u in Godt gherust, V Quade begheerten uyt blust: Met twee gheloovighen in een graet Plant Godt die echte staet. Het is vry om te trouwen Alst in de Heer gheschiedt, Kont ghy u niet onthouwen, Nae een vroom ega siet, Boven eer en deught, achtet al niet, Treckt niemants herte tot u min Buyten die ouders sin.
Nae schoonheydt noch rijckdommen Wilt u ooghen niet slaen, Doch niet dat ghy den vroomen Daerom soudt voor by gaen Grooten noch cleynen wilt niet versmaen, Die in't gheloof rijckst, en schoonst sijn, Hout voor die liefste dijn. Exempel dierghelijcke Geeft ons Ruth en Boas, Op arme noch op rijcke Saghen sy op dat pas, Maer die in deughde die naeste was: Daer Godt u hert door liefde leydt Weest te trouwen bereydt. Godt ginck Adam toevoeghen In sijnen slaep Eva, Isaac oock vernoeghen Met een Lief Rebecca, Ende Tobias al met Sara: Weest met den ghenen wel vernoeght Die u die Heer toevoeght. 't Slot is vrienden in desen, Hy doet wel die daer trout, Maer wort noch meer ghepresen, Die hem daer van onthout,
Siet dattet u namaels niet en rout: Want veel verdriet en kommer voort Komt ghetrouwden aenboort. Na beter.
Cookies on Poetry Cove