Na de wijse: Ghebenedijt o mijn ziel altijdt den Heer. ISrael hielde met een suyver Lam De gantsche weeck een Heylige Paesch-feest,
Met soeten deegh, gheen suerdeegh quam In haer huysen, soomen leest, Het welck nu bestaet meest In der waerheyt en geest. Laet ons nu desen Paesch houden wel Seven daghen, dat is ons leven langh, Ende vieren van sondigh arbeydt snel, Levende Godts-dienstigh strangh, En leyden onsen gangh, Na 't Euangeli dwangh. Wy hebben ,seyt Paulus, ooc een Paesch-lam 'Tis Christus Iesus ghebenedijt net, Daerom soo laet ons Paesschen houden tam, Na d'Euangelische wet, Met dit Lammeken vet, Reyn, suyver, onbesmet. Dit Paesch-Lam is aen 't spit des kruys ghebraen, Met veel lijden, smerten en teghenspoet, Al om ons nae der zielen te versaen Met sijn eyghen vleysch en bloedt, Door het gheloove goet, In rechte ware boet. Wy moeten ons Paesch-feest houdende zijn, Met gheen suerdeegh van list of doofheydt
Maer met soeten deegh der suyverheydt fijn, Ons daer toe maken bereydt, Met een wit Bruylofts cleydt, Om gort met die waerheydt. En gheschoeyt aen onse voeten perfect, Tot bereydinghe van't Euangelie des vre Want des Lams Bruyloft is bereyt ghedeckt, Comt in Gods huys en stee, Eet ende drinckt nu dree, Honigh, Wijn, Melck en mee. Dat is Godts heyligh ghebenedijde woordt, Soeter dan Harpen ofte snaren spel, Welck op desen Paesch-Feest nu wort gehoort, Nae des Heeren bevel, Lieffelijck soet en wel, Sonder strijdt of ghequel. Tot desen Paesch Feest behooren niet Die onbesnedene van hert en mont, Noch die vreemt zijn van Christus ghebiet, Knechten, slaven der sont, Sijn buyten het verbont, Vleyschelijck in de gront. Maer die niet met Silver noch met Gout Dan met Christi dierbaer rooder bloedt Ghekocht zijn, van alle sonden benout,
Levende in waer ootmoet, In gheluck tenghenspoet, Altijdt Godts wille doet. Aldus laet ons Paesch houden na den gheest Heyligh suyver, reyn, in leven en leer, Vercieren met meyen van vreughden dese feest, Lieffelijck in deught en eer, Sonder eenigh afkeer, Is mijn hertlijck begeer. Na beter.
Cookies on Poetry Cove