Stemme: Coridon had lust om drincken.
O Maria sterckt mijn leven,
Den Naerm Mari’, Maria
In mijn herte is gheschreven,
Gheschreven, gheschreven
Vwen Naem vol ghena.
2. Niet anders en kan ick dincken,
Mijn Ziel vlieght ten Hemel in,
Daer soo veel Enghels klaer blincken
Klaer blincken, klaer blincken
Voor s’Hemels Koningin.
3. Weerde Maeght ick groet u Croone,
Schepter en verheven Throon;
Lof zy u Princes, Matroone,
Matroone, Matroone,
Verciert met heyligh schoon.
4. Lieve Maghet, die ick minne,
Soo Godt in mijn hert bevindt;
Ick bidd’ u o Godts Vriendinne,
Vriendinne, Vriendinne,
Ontfanght my voor u kindt.
Wie is’er doch meer liefde weert,
Als die van my de Liefd’ begheert.