Stemme: Philips quaem Leander teghen. (ofte) Onder eenen groene Linde. Ick sou Iesus nu gaen soecken, Wist ick waer men Iesus vindt, Laeghe Iesus noch in doecken, Waere Iesus noch een kindt; Ick droegh Ioseph bier en Wijn, Ick sou Iesus dienaer zijn 2. Ziele wildy Iesus vinden, Soo ick hoor’ aen u verhael, Ghy moet gaen by Iesus vrienden, By de Sieck’ in’t Hospitael; Wel beleeft spreeckt teghen haer, Al oft teghen Iesus waer. 3. Vraeght u eenen mensch om drincken, Die door heete kortsen dorst, Wilt aen hem ghewilligh schincken: ’t Is Sogh van Maria s’borst Dat ghy aen de siecken gheeft, Waer van Iesus voedtsel heeft. 4. Ziele die versacht de wonden Van die door sijn pijne schreyt, Dien wast af sijn vuyle sonden, En wint sijne saligheyt: Want den Heer smaeckt al het soet Dat-men aen den krancken doet. 5. Lieven Heer Iesus, ick hebbe Om u te dienen ghehaeckt;
Is dit siecke bedd’ u Krebbe, ’t Moet wel effen zijn ghemaeckt, Het Lijnwaet dient sacht en net Om te cieren Iesus bedt. 6. Van nu af tot dat ick sterve Wil ick by de siecken zijn: Iesus laeven met Conserve, En met suycker, oft met wijn: Ick wil Iesus helpen voe’n, Van soo veel als ick kan doen. Den Siecken heeft besoeck Als’t hem ghebeuren magh: ’t Is mijn Vriendt houdt u kloeck, En daer me goeden dagh.
Cookies on Poetry Cove