Cvpidon a la Ieunesse.
QVand j'enflamme les corps & les coeurs de mon feu,
c'Est lors que s'accomplit la parole de Dieu,
Qui mande au monde croistre & accroistre sa race:
Parolle qui l'effect de sa puissance trace
En tout cest univers. Tout ce qu' icy est né,
Tant qu' il hume cest air, se trouve condemné
d'Obeyr à ma loy, doncques ce n'est pas blasme
De souffrir les efforts de l'amourese flamme:
Ce n'est pas deshonneur suivre d'Amour le train,
Ce vous est commandè par decret souverain.
Mon pouvoir indomptè tous animaux maistrise,
Et es reins le desir d'engendrer il attise.