Sonnet.
COmme l'an est divers en ses quatre saisons,
Tout ainsi nostre vie, en enfance, en jeunesse,
En son age viril, en sa morne vieillesse,
A des desirs divers, & diverses façons:
Ce livre ne se donne aux yeux des enfançons,
Ny à l'homme meury, qui soul; les plaisirs laisse,
Pour suivre la vertu, l'honneur, ou la richesse,
Plein de soing mesnager, ny aux sages grisons.
Les effects de l'amour, sa puissance, & sa force,
Ses moyens par lesquels le tout ça bas il force,
Toutes ses passions, son doux & son amer,
Sa guerre, aussi sa paix, son zele, sa souffrance,
Et sa vertu en fin offrons à la jouvence:
Qui donne en temps & lieu ne fait point à blasmer.