Cupidon à la Ieunesse.
Non plus que le tresor qu' un usurier enserre,
Ou qu' un beau diamant caché dessoubs la terre.
On ne doit sans amour une Dame estimer,
Car elle est nai icy seulement pour aimer.
Y at il rien plus doux, que de te veoir servie,
d'Vn qui te prise plus que ses yeux, & sa vie,
Entendre ses pensers, luy dire tes desirs,
Partir esgalement le dueil, & les plaisirs,
Les courroux gratieuz, l'esperance, & la crainte,
Lire sa passion sur son visage peinte,
Le veoir perdre en soy mesme, en toy se retrouver
Et les douceurs du ciel sur la terre esprouver
Sans tromper follement la fleur de ta jeunesse,
Qui las! sans y penser, comme un songe te laisse?