So wiltu dennoch jetzt auß meinen Händenscheiden
Du kleines Buch vnd auch mit andern sein veracht:
Gewiß du weissest nicht wie hönisch man jetzt lacht
Wie schwerlich sey der Welt spitzfindigkeit zumeyden.
Es muß ein jeglich ding der Menschen vrtheil leyden
Vnd ob es tauglich sey steht nicht in seiner Macht
Der meiste theil ist doch auff schmähen nur bedacht
Vnd denckt was er nicht kan dasselbe müß er neyden.
Noch dennoch (daß du nicht so offt vnd viel von mir
Aufss newe dulden dürffst daß ich dich neme für
Muß ich dir loß zu sein vnd außzugehn erleuben
So zieh derhalben hin weil dir es so gefellt
Vnd hör dein Vrthel an zieh hin zieh in die Welt
Du hettest aber wol zu Hause können bleiben.