Du Hochberedter mann dem Rom muß schuldig sein
Die freyheit vndt sich selbst vndt alle sein Latein
Der waldt hier der durch dich in newen baw ist kommen
Diß Vorwerg wo du dir zue schreiben fürgenommen
Zue suchen deine rhue ist schoner als zuevor:
Vndt diß noch nicht genung; es springt ein quell empor
Ein newes wunderquell das vnter andern sachen
Ein blödes angesicht kan klar vndt lauter machen.
Der ort o Cicero thut dieses alles dir
Der edle brunnen quillet nur wegen dein herfür:
Dann weil man weit vndt breit dich lesen wirdt auff erden
So muß das waßer auch der augen artzney werden.