Hin vnd wider auff vnd ab
Vil Land vnd Leut durchreisethab,
Zu bekommen Lehr’ vnd Verstand
Auch frembder zungen sprach.
Gedultet hab manch vngemach:
Vmbsonst ist vil vnkosten angewand:
Gethan mirs wohl het’s Vatterland.
Zu was nutz mir solchs gelinget
Wans widerum das Glück mir nit reinbringet?
TentischlandTeutschland (sags mit vergunst)
Begabet ist mit mancher Kunst
Derer sichs garnit schemen thar.
Hoch schetzen wir frembd ding
Vnd achten vnsers für gering:
So doch das vnsrig andrer kunst vnd lär
Weit vbertrifft wie offenbär.
Was bringts dan für nutz vnd frommen
Schätz suchen anderswo doch lehr heimkommen?
Ihren sachen gibt ein schein
Vnd blendet eim die Augen fein
Der geferbet außlendisch pracht.
Was witzig ist vnd klug
Merckt bald den anstrich vnd betrug:
Der aber solchs hoch helt aus vnbedacht
Wird in bethörung fluchs gebracht
Was thuts helffen oder nutzen
Da nichts darhinder ist etwas aufmutzen?
Gold nit alles ist was gleist;
Schön ist nit alles was geweist.
Sich Glasur vergat Edlem stein:
Götzbild dem Menschen gleicht;
Meuskot im Pfeffer sich verschleiche:
Köstlich gekleidet ist nit allzeit rein;
Boxhörner seind kein Elfenbein.
Wilst vil Land nun sein durchzogen?
O wandrer sich daß du nit werst betrogen.