Den Spiegel send ich euch jhr Spiegel aller Frawen
Daß jhr die Göttligkeit an euch recht möget schawen
Ob gleich kein Spiegel ist zutreffen jrgendt an
Der euch jhr schönes Bild schnurrecht entwerffen kan
Doch soltet jhr gleichwol erkennen meine Sinnen
Ihr würdet auch gewiß leibhafftig sehen künnen
Dann jhr mir seyt alldar so starck gebildet ein
Daß jhr euch selber nicht so ehnlich künnet sein.