Was bistu doch o Mensch gegen der größ der Erden?
Was ist der Erden größ gegen deß Himmels pracht?
Was ist deß Himmels pracht gegen deß Schöpffers Macht:
Durch welche du vnd sie vnd er regieret werden?
Darumb soltu o Mensch dich vber dich selbst schwingen
Dir lassen an dich selbst kein wunder wunder sein
Verwundern soltu dich vber die ding allein
In Gott vnd vber. Gott allein in allen dingen.