Cui toca una segura, non vien sola,
ançi scorrenno molte d'ogni entorno;
e l'anemo ch'èe ne l'adverso adorno
plu senno fa che quel che leççe en scola.
Però dal core pace no mi embola
Amor, che m'a levato con gran scorno
lo bel plaçer ch'ebbi il segnato çorno
et al qual retornare ò maçor gola.
Di che ne porto çà cotante penne,
ché amo sença merto e non so' audito,
et altri di mia donna el fructo tenne.
Ancor s'ella mi uçide, eo sto çachito,
tanto che la rota mi volga en çima,
che alor me vençerrò fin de la prima.