Cum pïetate ti chero merçede,
ch'el mi' tanto penare non ti plaça,
ché, ço che sia ch'el to voler mi faça,
lo mio core s'aferma plu en fede;
e la pena che prova no la crede,
cusì forte lo to amor l'abraça:
donqua removi l'animo che 'l scaça
d'onni conforto che sol en ti vede.
Tu mi pòi ben consumare a duolo,
ma pensa ch'averai morto cului
che plu ti ama che patre figliolo.
Però no mi coruçço, ché io fui
fisso per Amore cum quelo muolo,
che leçero no mi parto da lui.