No søv ho stilt paa rose-seng,
gjenta mi.
No gøymer ho so sæl ein draum i
bringa si.
No leikar hugen solglad ut
i skjemt og laatt med staute gut.
No bivrar smil so ljost um munn.
– Aa jenta mi, som er so ung!
So raud, so varm
paa laken kvitt –
med runde barm
og smil so blitt.
So daarande, so ung og sunn
med elskhugssmil og kyssemunn.
So ven, so varm,
so fin og blyg . . .
Eg tek din arm,
inaat deg smyg.
Eg kysser drøymeaugo smaa,
dei søte, skjelmske, varme, blaa.
Aa vene deg!
Aa sæle meg,
som kvila fær
hjaa møy so kjær!
– – – – –
– – – – –
So trygt, so trygt
du gjøymer meg
ved barmen din . . .
Eg fylgjer deg i draumar inn,
i draumar inn . . . . . .