O cielo, e me inzenocchio e mando fuora
Quei preghi pi efficaci che mai posso,
S'ti fussi mai da nissun prego mosso,
Fa' canevera un dì la mia signora.
Che se altra donna mai pi me inamora,
No me posso levar la sé da dosso.
Se ghe vegnisse ben la gobba e 'l gosso,
La me sarìa una Venere e un'Aurora.
Del resto, Amor, se ben ti te armi in cielo,
E ch'el farme soggetto sia el to fin,
Te ne indesprego s'ti me storzi un pelo.
Che i lazzi, l'arco e i strali d'oro fin,
I to inganni, el poder, la fiama e 'l zelo,
I paro tutti co 'l bocal del vin.