Se se accordasse in ciel ciascuna stella
De mostrar le so forze ai nostri dì,
E metter tutto quel che la puol pi
Per formar una Venere novella,
No sarìa mai che me piasesse quella
Tanto co' è questa che ho depenta in mi,
Né voi cercar zo che la fosse in sì,
Se ben che in mi la no sarìa pi bella.
No posso far sì lucido concetto
Che appresso el sol, che luse al mio pensier,
Ogni altro no me para un feraletto.
No posso far, e no vorìa poder,
Che no voi poder creder che altro oggetto
Me daga maravegia, né piaser.