Tra la rabbia, la stizza, e tra 'l martelo,
Tra i pùlesi che me ha martirizao,
Tra 'l caldo che me ha mezo soffegao,
Tra l'esserme levà su in te 'l più belo;
Tra l'haverme beccà fina el cervelo,
E tra do mile sorzi sora el cao
Che me roba el stupìn bel'impizao,
E tra el cantar d'un strepitoso oselo;
Tra 'l vegnirme una voia de pissar,
E haver paura de no far remor,
E là star fermo e bisognar crepar;
Tra 'l star co 'l muso sora el cagaor,
E tra 'l longo aspettar fin de cagar,
Ho habù una note da imperator.