Un mondo me xe drio quasi ogni dì
A domandarme dove che vu stè,
Che 'l pararave a questo, per mia fè,
Che no ve cognossesse altri che mi.
Ghe xe sta referìo da no so chi
Quelle care carezze che vu fè,
Che mené el cul co una dolcezza, che
S'inamora de vu chi no puol pi.
M'è sta domandà aponto addesso, addesso,
Dove stè da un sbisao, da un certo bulo,
Ma non l'avrì, che perdaré con esso.
Vardeve pur da sti cazzi da mulo,
E saludé, benché vu sié gran messo,
A nome del mio cazzo el vostro culo.