Ti va digando de portarme amor
E ti vuol po tirar el cul indrìo,
Mo sto amor in sto muodo desavìo
No sa, chi il cerca, da nissun saor.
Amor, che hògio da far del to favor?
Che ti ghe impiaghi el cuor per conto mio.
Se ti vuol farme sto piaser compìo,
Saettala in tel cul e no in tel cuor.
E dove che ho quel cuor che me vuol ben,
Mo fa inanzi che lu me vògia mal,
E che cusì bel cul me salta in sen.
Ma l'è che ti no tiri in t'un segnal
Se ti no trovi tenero il terren,
E custìa ha il cuor de cera e 'l cul de azzal.