Ti m'ha fatto provar so le to fiamme,
Amor, ho po provao la to fierezza,
Ma tutto xe un piaser, xe una dolcezza.
Respetto a i strali che ti trà la fame.
La no te val camagi o armarte d'arme
Che la ti passerìa drio una fortezza.
Dio varda fin un can de la to frezza,
E so ch'adesso n'ho pensier de dame.
Ho pensà sempre al vin in fin a st'hora,
Ma adesso, al sangue de la nostra dotta,
Magnerìa una culata a la signora.
Deh, pìa un amante e tìraghe una botta,
E s'in quel punto vacca l'inamora,
Tram'in la gola po le frezze in frotta.