Daspuò che ti la vuol col fatto mio,
Donna senza rason, mostro in natura,
Prima co 'l cuor e po co sta scritura,
De volerla co ti me invuodo a Dio,
Perché mai no ho visto né sentìo
La pi sfazzà, la pi affettà bravura
Della to diavolosa creatura,
Potta, che tuol el nome a san Mathìo.
Parécchiete de lèzzar ogni dì
Nuovi muodi de dir, nuove maniere
De romanzine tutte contra a ti.
Ne te vaia le file, anzi le schiere
De chi te chiava, perché son cusì,
Che no dirò per questo el miserere.